பங்குச்சந்தை நிலவரங்களை ஜோதிடம் மூலம் அறிந்து கொள்வது எப்படி? பகுதி - 1

பங்குச் சந்தையில் அவ்வப்பொழுது ஏற்படும் ஏற்ற இறக்கங்களை ஓரளவுக்கு முன்கூட்டியே ஜோதிடம் மூலம் தெரிந்து கொண்டால் பங்கு வர்த்தகத்தில் ஈடுபடுபவர்கள் அதற்குத் தகுந்தவாறு முன்னெச்சரிக்கையாக நடந்து கொள்ளலாம்.

ஒரு குறிப்பிட்ட நாளில் பெரும்பான்மையான முதலீட்டாளர்களின் மனதில் ஒரு குறிப்பிட்ட நிறுவனத்தின் பங்கை வாங்க வேண்டும் என்ற எண்ணம் ஏற்படுகிறது. இதனால் அந்த குறிப்பிட்ட நிறுவனத்தின் பங்கு விலை உயர்ந்து கொண்டே போகிறது. இதற்கு மாறாக ஒரு குறிப்பிட்ட நாளில் பெரும்பாலான முதலீட்டாளர்களின் மனதில் ஒரு குறிப்பிட்ட நிறுவனத்தின் பங்குகளை விற்க வேண்டும் என்ற எண்ணம் ஏற்படுகிறது. இதனால் அந்த குறிப்பிட்ட நிறுவனத்தின் பங்கு விலை வீழ்ச்சி அடைகிறது. இவ்வாறு முதலீட்டாளர்களின் மனதில் மாற்றங்கள் ஏற்படுவதற்கு காரணமாக இருப்பது கோள்களின் கோட்சார நிலைதான் என்று ஜோதிட சாஸ்திரம் கூறுகிறது. எனவே பங்குச் சந்தை நிலவரங்களை ஜோதிடம் மூலம் அறிந்து கொள்வது எப்படி எனப் பார்ப்போம்.

கோள்களும் பங்குகளும்

சூரியன்: அரசு சார்ந்த நிறுவனங்கள், நவரத்தினங்கள் விற்பனை செய்யும் நிறுவனங்கள், தங்கம் விற்பனை செய்யும் நிறுவனங்கள் ஆகியவற்றின் பங்குகள்.

சந்திரன்: பெட்ரோல், டீசல், விநியோகம் செய்யும் நிறுவனங்கள், மதுபானம், குளிர்பானம், மருந்துகள் தயாரிக்கும் நிறுவனங்கள், கப்பல் போக்குவரத்து நிறுவனங்கள், எண்ணெய் உற்பத்தி செய்யும் நிறுவனங்கள், வெள்ளி வியாபாரம் செய்யும் நிறுவனங்கள், மின் கம்பிகள் உற்பத்தி செய்யும் நிறுவனங்கள் ஆகியவற்றின் பங்குகள்.

செவ்வாய்: இயந்திர உற்பத்தி நிறுவனங்கள், மின்சார மோட்டார் தயாரிக்கும் நிறுவனங்கள், இரயில்வே துறை, கட்டிட நிறுவனங்கள், சிமெண்ட் உற்பத்தி செய்யும் ஆலைகள், காய்கறி, தேயிலை உற்பத்தி நிறுவனங்கள், இரும்பு உற்பத்தி ஆலைகள் ஆகியவற்றின் பங்குகள்.

புதன்: ஜவுளி ஆடை உற்பத்தி நிறுவனங்கள், நூற்பாலைகள், துரிதமாக விற்பனையாகும் பொருட்களை உற்பத்தி செய்யும் நிறுவனங்கள் ஆகியவற்றின் பங்குகள்.

குரு: வங்கிகளின் பங்குகள், நிதி நிறுவனங்களின் பங்குகள், புகையிலை, ரப்பர், டின் உற்பத்தி நிறுவனங்களின் பங்குகள்

சுக்கிரன்: சர்க்கரை ஆலைகள், பட்டுத் உற்பத்தி நிறுவனங்கள், விநியோக நிறுவனங்கள், பத்திரிக்கை நிறுவனங்கள், சினிமா, தொலைக்காட்சி, மற்றும் தொலைபேசி நிறுவனங்கள், கண்ணாடிப் பொருட்களை உற்பத்தி செய்யும் நிறுவனங்கள், வாகன உற்பத்தி செய்யும் நிறுவனங்கள், ஒப்பனைப் பொருட்களை உற்பத்தி செய்யும் நிறுவனங்கள், மலர் ஏற்றுமதி செய்யும் நிறுவனங்கள் ஆகியவற்றின் பங்குகள்.

சனி: இரும்புப் பொருட்கள் உற்பத்தி செய்யும் நிறுவனங்கள், விவசாய கருவிகள் உற்பத்தி செய்யும் நிறுவனங்கள், நிலக்கரி, சுரங்கத்துறை சம்பந்தமான பங்குகள், உலோக உற்பத்தி செய்யும் நிறுவனங்கள் ஆகியவற்றின் பங்குகள்.

இராகு: தொலைக்காட்சிப் பெட்டி தயாரிக்கும் நிறுவனங்கள், செல்போன் நிறுவனங்கள், இன்டர்நெட் சேவை நிறுவனங்கள் ஆகியவற்றின் பங்குகள்.

கேது: கம்ப்யூட்டர் நிறுவனங்கள், உலோக உற்பத்தி செய்யும் நிறுவனங்கள், தகவல் தொடர்பு மற்றும் மின் உற்பத்தி நிறுவனங்கள் ஆகியவற்றின் பங்குகள்.

இக்கட்டுரையின் தொடர்ச்சியை பகுதி-2 இல் பார்ப்போம்.